ನ೦ದನ ಕ೦ದ.. ~ ಅನಂತದಿಂದ ದಿಗಂತದವರೆಗೆ......

Friday, January 2, 2015

ನ೦ದನ ಕ೦ದ..

ಅನಂತ್ ರಾಜ್ on 8:28 AM

ಕುಂದುಗಳ ಮನ್ನಿಸುವ ನಂದನ ಕಂದನೆ
ಬಂಧನದ ಸನ್ನೆಯಲಿ ಬಲು ನೊಂದಿಹೆನು
ಬಂದಿಹೆ ಭುವಿಗಿಂದು ತಂದೆ ಮುಕುಂದನೆ
ಸಂದೇಹವಿಲ್ಲದೆ ನೀ ಎನ್ನ ಸಲಹಯ್ಯ

ಸಂಚಿತ ಫಲಗಳ ಪ್ರಪಂಚದಿ ಭರಿಸಲು
ನಿಶ್ಚಲ ಭಾವಕ್ಕೆ ಪ್ರೇರಣೆ ನೀಡುತ
ನಿರುತ ಸ್ಥೈರ್ಯವನು ಜೀವಕೆ ಹರಿಸುತ
ಅರ್ಚಿಪ ಮನಸನು ಹೃದಯದಿ ನಿಲಿಸಯ್ಯ ||೧||

ಆಸಕ್ತವಾಗಲಿ ಚಿತ್ತ ಚಿನ್ಮಯನೆಡೆಗೆ
ವಿರಕ್ತವಾಗಲಿ ಸುತ್ತುವ ವಿಷಯದೆಡೆಗೆ
ಮುಕ್ತಭಾವದಿ ಮಾಧವನ ಭಜಿಸಲು
ಕಿಂಚಿತ್ತು ಭವಗಳು ಚುಕ್ತವಾಗಲಯ್ಯ ||೨||

ಇಹಪರ ಎಲ್ಲಕೂ ನಿನ್ನದೇ ರಕ್ಷಣೆ
ಅಹರ್ನಿಶಿ ಇರಲಯ್ಯ ನಿನ್ನಯ ಕರುಣೆ
ಮಹತ್ತಿಗೂ ಮಹಿಮ ನೀ ಅನಂತಶಯನನೆ
ಶರಣು ಬಂದಿಹ ಭಕುತರ ಪೊರೆಯಯ್ಯ ||೩||

https://soundcloud.com/shyamalarao/kundugala-mannisuva

ಚಿತ್ರಕೃಪೆ : ಅಂತರ್ಜಾಲ

2 comments:

sunaathJanuary 2, 2015 at 9:35 AM
ಅನಂತರಾಜರೆ,
ಕವನದಲ್ಲಿ ಭಗವದ್ಭಕ್ತಿ ಹಾಗು ಆರ್ತಭಾವ ಚೆನ್ನಾಗಿ ವ್ಯಕ್ತವಾಗಿವೆ. ಅನಂತಶಯನನು ನಮ್ಮೆಲ್ಲರನ್ನೂ ಪೊರೆಯಲಿ ಎಂದು ಹಾರೈಸುತ್ತೇನೆ.
ReplyDelete
Replies

Subscribe to: Post Comments (Atom)

Popular Posts
- ಚಂದಿರ
  
  ಅಂಬರವೇರಿದ ಸುಂದರ ಮೊಗದವ ಚಂದಿರ ಕುಳಿತಾನೆ.. ಚಿಂತಿತ ಮನಸನು ವಿಕಸಿತಗೊಳಿಸುತ ಸಂತಸ ತರುತಾನೆ....೧ ಜುಳು ಜುಳು ಹರಿಯುವ ನೀರಲಿ ಬೆಳ್ಳಿಯ ಬೆಳಕನು ಕೊ...
- ಬೆಕ್ಕು...
  
  ಚಿಕ್ಕ ವಯಸಲಿ ನಾನೊಂದು ಬೆಕ್ಕು ಸಾಕಿದ್ದೆ... ಕಪ್ಪನೆಯ ಮೋರೆಯ ಹಸಿರುಗಣ್ಣಿನ ಬಿಳಿಮೀಸೆಯಡಿ ಕಣ್ಣು ಕಿರಿದು ನಾಲಿಗೆ ಚಾಚುತ್ತಿರೆ ನನಗದೇನೋ ಆನಂದ... ಹಾಲಿನ ಪಾತ...
- ನವಮಿ ದಿನದಲಿ ರಾಮ ಬಂದನು...
  
  ನವಮಿ ದಿನದಲಿ ರಾಮ ಬಂದನು ಅವನಿಗೆಲ್ಲಾ ಚೆಲುವ ತಂದನು .... ಪ ಬಿಚ್ಚಿ ಕುಸುಮದ ಎಸಳು ಎಸಳಲಿ ಹಚ್ಚ ಹಸುರಿನ ಚಿಗುರು ಎಲೆಯಲಿ ಸ್ವಚ್ಛ ತರುವಿನ ...
- ಇಳೆಯ ಗೆಳೆಯ
  
  ಇಳೆಯನರಸಿ ಬ೦ದ ಗೆಳೆಯ ಬೇಗೆಯನು ಹರಿ ಸುತ್ತ ಜೀವ ಜಲ ಹನಿಸುತ್ತ ಒಡಲ ತ೦ಪಾಗಿಸಿದ.. ಬಯಲ ಹಸಿರಾಗಿಸಿದ ಹಸಿರ ಹಸನಾಗಿಸಿದ ಹಸನಾದ ಇಳೆಯಲ್ಲಿ ಚಿಗುರುಗಳು ಟಿಸಿಲೊಡೆದು ಹೊರಬಂ...
- ನ೦ದನ ಕ೦ದ..
  
  ಕುಂದುಗಳ ಮನ್ನಿಸುವ ನಂದನ ಕಂದನೆ ಬಂಧನದ ಸನ್ನೆಯಲಿ ಬಲು ನೊಂದಿಹೆನು ಬಂದಿಹೆ ಭುವಿಗಿಂದು ತಂದೆ ಮುಕುಂದನೆ ಸಂದೇಹವಿಲ್ಲದೆ ನೀ ಎನ್ನ ಸಲಹಯ್ಯ...
- ರಂಗಧಾಮದ ರಂಗ
  
  ರಂಗಧಾಮದ ರಂಗ ಧರೆಯಲ್ಲಿ ಉದಯಿಸಿದ ಅಂತರಂಗದಾ ಒಲವ ಸೆಳೆದು ಬಯಲಾಗಿಸಿದ || ಕಣ್ಣಲ್ಲಿ ಕಣ್ಣಿಟ್ಟು ಕಣ್ಣಾ ತಾನೆ...
- ಹಾರೈಕೆ.....
  
  ದೀವಿಗೆಯ ಬೆಳಗುತಿಹೆ ದೇವ ಮಂದಿರದಲ್ಲಿ ಹರಕೆಯನು ಹಾರೈಸಿ ಮನ ಮಂದಿರದಲ್ಲಿ... (ಪ) ಒಡಲಾಳ ತುಂಬಿಹುದು ಆ ಮಧುರ ವಾತ್ಸಲ್ಯ ಒಡನಾಡಿ ನಿನ್ನೊಡನೆ ನಾ ಕಳೆದ ಬಾಲ್ಯ ಕೂಡುತ್ತ ...
- ಶರಣು ಬಂದಿಹೆವು ತಾಯಿ...
  
  ಶರಣು ಬಂದಿಹೆವು ತಾಯೆ ಶ್ರೀ ಗೌರಿ ಶರಣರ ಹರಸು ನೀ ದಯೆ ತೋರಿ ...||ಪ|| ಈಶನ ಕೈ ಪಿಡಿದ ಈಶ್ವರಿಯೇ ಮಹಿಷನ ಮಡುಹಿದ ಚಾಮುಂಡೇಶ್ವರಿಯೇ ...
- ದೀಪಗಳ ಹಬ್ಬ - ದೀಪಾವಳಿ.....
  
  ಗಣೇಶ ಚೌತಿಯಿಂದ ಆರಂಭಿಸಿ ದೀಪಾವಳಿಯವರೆಗೂ ಬರುವ ಹಬ್ಬಗಳ ಸಾಲುಗಳು , ಆಚರಣೆ ಇರುವ ಎಲ್ಲರ ಮನೆಯಲ್ಲಿಯೂ ಸಡಗರದ ವಾತಾವರಣವನ್ನುಂಟು ಮಾಡುತ್ತವೆ . ಸಾಂಸ್ಕೃ...
- ಜಲಲ ಜಲಲ ಜಲಧಾರೆ....
  
  ಧರೆಗೆ ಧಾರೆಯಾಗಿ ಧಾವಿಸುತ ಆವರಿಸಿ ಧುಮ್ಮಿಕ್ಕಿ ಹರಿದು ಬಂದರೂ ಬರಿದಾಗಲಿಲ್ಲ... ಮೊಗೆಮೊಗೆದು ಉಕ್ಕಿ ಬಂದರೂ ಕರಗಲಿಲ್ಲ... ಗಿರಿಯ ಬಳಸಿ ಬಂದರೂ ...